إسم القسم : شعراء مصر والسودان
إسم الشاعر : أحمد فؤاد نجم
أضف القصيده للمفضله
طباعة القصيده
إسم القصيده : شقع بقع
انا الأديب و لا تعرفنيش
تقرالي لكن ما تشوفنيش
كلامي لا هو مادهون ورنيش
و لا المعاني عليها غبار
شقع بقع يا ديل الفار
***
يا شعب مصر يا خم النوم
ما تفوق بقى و تشوف لك يوم
الثورة قامت في الخرطوم
و انت اللي نايم بالمندار
يا شعب ثور داهية تسمك
و شيل اصول اسباب همك
عصابه
بتمص في دمك
و الاسم قال ضباط احرار
اخدوا اليهود غزة و سينا
و بكرة يبقوا هنا وسطينا
و الراديوهات بتغدينا
خطب و نتعشى اشعار
الشيخ امام قال كلمة حق
و الست ثومة قالت لأ
و ابو النجوم على ودنة اندق
في المعتقل و الدنيا نهار
